1:43

Գրք. 1, Գլ. 43

Գրք. 1., Գլ. 43

43:0 ՎԵՐՍՏԻՆ ՅԱՒԵԼՈՒԱԾ ԿՐԿԻՆ ՀԵԾՈՒԹԵԱՆ ՆՈՐԻՆ ՀՍԿՈՂԻ ԱՌ ՆՈՅՆ ԱՂԵՐՍ ՄԱՂԹԱՆԱՑ ԲԱՆԻ Ի ԽՈՐՈՑ ՍՐՏԻՑ ԽՕՍՔ ԸՆԴ ԱՍՏՈՒԾՈՅ:	43:0 Speaking with God from the Depths of the Heart:
43:1 Բժշկական կրթականութեան ամենափորձ հնարաւորութեամբ Պատճառ կենաց անախտականաց, Թագաւոր զօրաւոր, երկնաւոր, Տէր Յիսուս Քրիստոս, Աստուած ամենեցուն` իմանալեաց եւ տեսականաց, Ահա դու ի յիս, ըստ մարգարէին, Որ ընդ ասելոյն` նոր կցորդութեան, Առ որ բարեզարդ դաշամբք այս բանի ընդ քեզ միութեան, Լուսաւորեցայց` կրկին ողջացեալ շնչով եւ մարմնով, Ամենայնիւ կարող եւ անվանելի:	43:1 With every possible facet of the art of healing, Lord Jesus, cause of all healthy life, mighty heavenly king, God of all things apprehended by the mind and by the eye, join me in the words of the prophet, “ Thou art in me, ” in the words of the propher, And behold, through this union with you through these words, your light shall break forth in me to heal my breath and body, you who are mighty and invincible:
43:2 Որ ոչ կարօտանաս սպեղանեաց, Առ պատրաստութիւն պատանաց հոգեկան վիրաց, Ո՛չ ժամանակի, ո՛չ միջնորդի, Ո՛չ աւուրց երկարաձգութեան, Ո՛չ փոփոխս մատուցանելոյ, Ո՛չ հատման, ո՛չ խարման, ո՛չ սրագործութեան` Ըստ երկրաւորս դեղատուութեան, Առ որս միշտ է վրիպութիւն Եւ ամենասխալ տարակուսութիւն: Այլ քեզ` արարչիդ հոգւոց եւ մարմնոց Ամենայն ինչ լուսաւորեալ է, Ամենայն ինչ առաջի է, Ամենայն ինչ գրեալ է, Ամենայն ինչ դիւրին է, Համայնն հնարաւոր է, Իմաստն գլխաւորեալ է, Խոստումն լցեալ է, Կամելն կատարեալ է, Քո կտակն աւետարան է, Քո վճիռն ազատութիւն է, Քո մատեանն շնորհ է: Ոչ փակեալ ես ընդ օրինօք, Ոչ պարունակեալ ես ընդ կանոնաւ, Ոչ արգելեալ` ընդ նուազութեամբ, Ոչ խոնարհեալ` ընդ հնազանդութեամբ, Ոչ պարագրեալ` ընդ փոքրկութեամբ, Ոչ չափեալ ես ընդ սահմանաւ, Ոչ վրիպեալ` ի բարկութենէ, Ոչ այլայլեալ ինչ` ի ցասմանէ, Ոչ սխալեալ` ի խստութենէ, Ոչ ամբոխեալ` ի խռովութենէ, Ոչ դղրդեալ` յանգիտութենէ, Ոչ փոփոխեալ` յողորմութենէ, Ոչ պակասեալ` ի բարձրութենէ, Ոչ լքեալ` յայցելութենէ, Ոչ տկարացեալ` ի փրկութենէ: Դու սկիզբն եւ լրումն ամենայնի, Եւ ի քէն է ամենայն, Եւ քեզ փա՜ռք եւ երկրպագութիւն յաւիտեանս: Ամէն:	43:2 To heal our spiritual wounds, you do not need ointments, nor time, nor intermediaries, nor the passing of days, nor the changing of prescriptions, nor amputation, nor cauterization, nor surgery as practiced by earthly medicine, in which there is always trial and error, often grave error. But for you, the creator of the soul and body, all is illumined, all is clear, all is written, all is easy, all is possible, wisdom leads, promises are kept, wishes are fulfilled. Your testament is the gospel. Your judgment is freedom. Your lawbook is grace. You are not limited by laws. You are not bound by canons. You are not hampered by imperfections. You are not humbled by obedience. You are not restricted by smallness. You are not measured by boundaries. You do not err out of anger. You do not alter out of wrath. You do not misjudge out of severity. You do not simmer out of agitation. You do not falter out of ignorance. You do not waver out of soft- heartedness. You do not diminish out of exaltation. You do not abandon your duty of care. You do not weaken your salvation. You are the beginning and the end of all. Everything is from you alone. Therefore glory to you and worship forever. Amen: